"Ливерпуль" бош мураббийи Юрген Клопп ўзини буюк деб ҳисобламаслигини айтди.
“Мен ўзимни ҳеч қачон буюк мураббий деб ҳисобламаганман. Одамлар мени шундай деб билишларига ҳали ҳам ҳайронман, лекин мен буни қабул қиламан. Муҳими, “Ливерпуль”дагилар биз эришган ютуқлардан мамнун. Менга Венгер ёки бошқалар билан солиштириш керак эмас. Бу мен учун ҳеч нарсани англатмайди.
Мен қабр тошимга “Бу ерда сайёрадаги энг муваффақиятли мураббийлардан бири ётибди” дейишини хоҳламайман. Йўқ, бу мен учун эмас. Мени умрим давомида одамларга ёрдам берган инсон сифатида эслаб қолишни истайман", - дея Клоппнинг сўзларини келтиради Sky News.