"Челси" бош мураббийи Маурисио Почеттино Коул Палмернинг "Эвертон"га қарши ўйиндаги ўйини ҳақида фикр билдирди.
Англиялик футболчи покерни амалга оширди ва жамоасига йирик 6:0 ҳисобида ғалаба қозонишга ёрдам берди. Бундан ташқари, ярим ҳимоячи Премьер-лигада 20та голга етди ва тўпурарлар жадвалида Эрлинг Холанд билан тенглашиб олди.
"Палмер шартнома имзолаганида, у бунчалик кўп гол уради деб ўйламагандим. Биз шунчаки унинг қандай буюк истеъдод эгаси эканлиги ҳақида гаплашдик. У ўз ишини ажойиб бажаради. Коул биринчи кунданоқ жуда тез мослашди. Мен у ва жамоа учун хурсандман”, деди Почеттино матбуот анжуманида.
