"Манчестер Сити" бош мураббийи Пеп Гвардиола "Реал"га қарши Чемпионлар лигаси 1/4 финал жавоб ўйини олдидан Жуд Беллингем ҳақида гапирди.
“Аввалданоқ унинг таъсири голлар ва бошқа кўп нарсалар нуқтаи назаридан сезиларли эди. Унинг ёшида у босимни муаммосиз енгади. Мен уни яхши руҳиятга эга деб ўйладим, у ажойиб футболчи. Эртага биз уни назорат қилишимиз ва ҳаракатларини кузатишимиз керак”, деди Гвардиола матбуот анжуманида журналистларга.
“Реал Мадрид”га қарши биринчи ўйинда “Манчестер Сити” сафарда 3:3 ҳисобида дуранг ўйнади. Жавоб ўйини 17 апрель, чоршанба куни бўлиб ўтади.
