"Манчестер Сити" ярим ҳимоячиси Бернарду Силва "Реал"га қарши бўлиб ўтадиган Чемпионлар лигаси ўйини ҳақида гапирди.
"Реал"га қарши биринчи ўйинда "Манчестер Сити" сафарда 3:3 ҳисобида дуранг ўйнаганди. Жамоалар чоршанба куни жавоб ўйинини ўтказишади. Бернарду Силванинг фикрича, янги дуэль олдидан ўтган мавсумни эслашдан фойда йўқ.
“Бу икки хил мавсум. Футболда ўйин ҳеч қачон бир хил бўлмайди. "Реал" бу мавсумда ўтган мавсумга нисбатан кучлироқ бўлганини ҳис қиляпман. Буни “Бернабеу”даги ўйин давомида ҳис қилдим. Албатта, улар ўтган йилги натижа учун биздан қасос олмоқчи", - дейди Силва.
