"Барселона" мухлислари яна бир бор "Реал Мадрид" вингери Винисиуснинг ўлимини тилашди.
Бугун Каталония клуби Чемпионлар лигаси 1/4 финал жавоб ўйини доирасида "ПСЖ"ни қабул қилади. Биринчи ўйин 3:2 ҳисобида "кўк-анорранглилар"нинг ғалабаси билан якунланган эди.
Ўйин олдидан Монжуикдаги "Олимпия" стадиони ёнида йиғилган бир гуруҳ "Барселона" мухлислари: "Винисиус, ўл!" - деб бақиришган.
"Барселона" мухлислари "Наполи"га қарши Чемпионлар лигаси 1/8 финалининг жавоб ўйини олдидан ҳам худди шундай қўшиқ айтишганди. Қайд этилишича, бу сафар ҳайқириқлар кўпроқ бўлган.
