Каталониянинг "Барселона" жамоаси, агар Хави Эрнандес келаси ёзда жамоани тарк этса, Рафаел Маркес бош мураббийлик учун тўғри номзод эканлигига тобора кўпроқ ишонч ҳосил қилмоқда.

Mundo Deportivo хабарига кўра, мексикалик мутахассиснинг "Барселона"га ишга жойлашиш имконияти кундан-кунга ошиб бормоқда. Раҳбарият Маркесни тажрибага эга Ханс-Дитер Фликдан афзалроқ номзод деб ҳисобламоқда.

Маркес аввалроқ футболчи сифатида "Барселона"да ўйнаган ва клуб билан икки марта Чемпионлар лигасида ғолиб чиққан. Мексикалик футболчи айни дамда жамоанинг ўринбосарлар жамоасини бошқармоқда.