Пайшанба куни “Вест Хэм” Европа Лигаси чорак финал жавоб ўйинида “Байер”ни қабул қилади. Дастлабки ўйинда Германия жамоаси ўз майдонида 2:0 ҳисобида ғалаба қозонди.
Британиялик мураббий Дэвид Мойес матбуот анжуманида "Байер"нинг чемпионлиги ҳақида фикр билдирди.
Хабарингиз бор, леверкузенликлар дам олиш кунларида ўз тарихларида илк бор мамлакат чемпионлигини қўлга киритди.
"Уларнинг лигада ғалаба қозонгани ажойиб. Улар бу муваффақиятни муносиб нишонлашлари керак. Умид қиламанки, "Байер" футболчиларининг машҳур пиволардан ичгани аниқ", — деди Мойес.
