Мадриднинг “Реал” клуби 18 ёшли туркиялик дарвозабон Онуралп Чевиккан билан шартнома имзоламоқчи.
Sabah нашри хабарига кўра, “Реал” скаутлари ёш дарвозабоннинг U-18 терма жамоаси сафидаги яқинда Испания терма жамоасига (1:1) қарши ўйинини кузатишган.
Мадриднинг “Реал” клуби дарвозабонни 10 миллион еврога сотиб олиш таклифи билан чиқди.
Қайд этилишича, улар футболчини "Реал Мадрид"нинг ўринбосарлар жамоасига юборишни режалаштирмоқда.
“Кастилья”га сармоя киритиш клуб учун устувор вазифа ҳисобланади.
"Трабзонспор" Чевикканни ёзда "Олтин Ўрда"дан 700 минг еврога сотиб олганди. Ҳозирда у жамоадаги учинчи дарвозабон ҳисобланади.
