"Бавария" ярим ҳимоячиси Жошуа Киммих Чемпионлар лигаси 1/4 финали жавоб учрашувида "Арсенал" устидан қозонилган ғалаба (1:0) ҳақида фикр билдирди.
Немис футболчиси ушбу учрашувда ягона голни урди ва учрашувнинг энг яхши футболчиси деб топилди.
“Ажойиб туйғу! Мана шундай муҳим оқшомда мухлисларимиз қаршисида энг муҳим голни урдим. Футболчи шундай дақиқалар учун ишлайди. Ва бунинг учун кўп меҳнат қилдик.
Бугун мен мукофотни олдим ва бундан жуда хурсандман. Энди бор эътиборни ярим финалга қаратамиз, кейин нима бўлишини кўрамиз", - дея Киммихнинг сўзларини келтиради УЕФА матбуот хизмати.
