Англиянинг “Манчестер Сити” клуби “Реал”га пенальтилар сериясида мағлуб бўлгач, Чемпионлар лигасидан чиқиб кетди.
Хосеп Гвардиола шогирдлари учун ҳал қилувчи омил бу пенальтилар серияси бўлиб, улар мадридликлардан кўра ёмонроқ ижро этишди. Айниқса, Бернарду Силванинг зарбаси ҳайратланарли кўринди. Португалиялик футболчи тўғри Андрей Лунин турган жойга зарба берди.
"Манчестер Сити" бош мураббийи Пеп Гвардиола ўйиндан сўнг унинг омадсизлиги ҳақида фикр билдирди.
"Бернардунинг ўзи ихтиёрий равишда зарба беришни танлади. У ишончли футболчи. Майдонда ажойиб ўйин ўтказганини тан олайлик", - дея Гвардиоланинг сўзларини келтиради BBC Sport.
