«Реал» жамоасининг афсонавий футболчиси Альфредо Ди Стефано ўзининг ёшлик хотиралари билан ўртоқлашди.
«Ҳозирги Рим Папаси билан Буенос-Айресда битта мактабда ўқиганман. Унинг номини эшитиб хурсанд бўлдим. Балки у мен билан тўп тепган болалардан биридир. Ўша вақтда кун ботгунча футбол ўйнардик.
Ундан сўраб кўриш керак, балки мени танир. Чунки мен ўша вақтда «Ривер Плейт» ёшлар жамоасида ўйнардим ва мени барча билар эди»,- дейди собиқ футболчи.
Хабарингиз бор ҳаётдаги исми Хорхе Марио Бергольо бўлган аргентиналик архиепископ Франциск 13 март куни Рим-католик черковининг янги раҳбари этиб сайланган эди. 76 ёшли Франциск папа тахтига ўтирган илк иезуит ва биринчи лотин америкалик роҳиб бўлди.
