"Барселона" марказий ҳимоячиси Рональд Араухо кейинги трансфер ойнасида "Бавария" жамоасига қўшилмайди. Журналист Матео Мореттонинг ёзишича, уругвайлик футболчи немис гранди билан музокаралар олиб бормаяпти.
Жорий мавсумда 25 ёшли ҳимоячи барча мусобақаларда 33та ўйинда иштирок этиб, битта гол урган. Араухонинг "Барселона" билан амалдаги меҳнат шартномаси 2026 йилнинг ўрталарига қадар тузилган.
Transfermarkt портали мутахассислари футболчининг нархини 70 миллион еврога баҳоламоқда. 31 турдан сўнг "Барселона" Испания чемпионати турнир жадвалида 70 очко билан иккинчи ўринда бормоқда.
