"Манчестер Юнайтед" Жейсон Уилкоксни техник директор этиб тайинлади.
52 ёшли мутахассис "Саутгемптон"дан "Манчестер Юнайтед"га ўтди ва "Юнайтед"нинг янги техник директори бўлди.
Инсайдер Фабрицио Романонинг сўзларига кўра, Жейсон Уилкокс ўйинчиларни танлаш ва "Манчестер Юнайтед" академияси билан шуғулланади. У спорт директори Дэн Эшворт ва бош ижрочи директор Омар Беррада билан бирга клуб тузилмасидаги асосий шахсга айланади.
Аввалроқ "Манчестер Юнайтед" "Саутгемптон" билан Уилкокснинг ўз жамоасига олиб ўтиш борасида музокаралар олиб бораётгани ҳақида хабар берилганди.
