"Барселона" марказий ҳимоячиси Пау Кубарси "Реал"га қарши ўйин олдидан журналистлар билан суҳбатлашди.
Бўлажак "эл-класико" якшанба куни мадридликлар майдонида бўлиб ўтади. Каталонияликларда хато қилишга ҳаққи йўқ: мағлубиятга учраган тақдирда жамоа чемпионат якунига олти тур қолганда "Реал" билан турнир жадвалидаги фарқ 11 очкога кўтарилади.
“Якшанба куни керакли натижага эришиш учун бор кучимизни сарфлашимиз, 200 фоиз боримизни беришимиз керак. Биз қийин вазиятга тушиб қолдик, биз барчасини қайта бошлашимиз керак.
Мен болалигимдан бундай ўйинларда қатнашишни орзу қилардим”, деди 17 ёшли футболчи “Барселона” расмий сайтига.
