"Ливерпуль" ҳужумчиси Муҳаммад Салоҳ ёзги трансфер ойнасида инглиз клубини тарк этиши мумкин.
The Sun нашри хабарига кўра, Салоҳ бош мураббий Юрген Клопп кетганидан кейин "Ливерпул"ни тарк этмоқчи. Немис мутахассиси мавсум якунида истеъфога чиқишини маълум қилганди.
Мисрлик футболчига асосий даъвогар Саудия Арабистонининг "Ал-Иттиҳод" клуби ҳисобланади. Жамоа раҳбарияти форвард учун 200 миллион фунт тўлашга тайёр.
Жорий мавсумда Муҳаммад Салоҳ инглизлар жамоаси сафида барча турнирларда 38 та ўйин ўтказиб, 24 та гол ва 13 та голли узатмани амалга оширди.
