"Реал"нинг собиқ ҳужумкор ярим ҳимоячиси Месут Ўзил "Лос Бланcос" ва "Барселона" ўртасидаги қарама-қаршиликнинг ҳозирги ҳолати ҳақида гапирди.
“Мен ўйнаганимда, бу дунёдаги энг муҳим футбол учрашуви эди. Ўша йиллардаги "Барселона" эҳтимол тарихдаги энг яхши "Барселона" бўлган. Гвардиоланинг ўша даврдаги "Барса"си ҳозирги жамоадан яққол фарқ қилади.
Назаримда, ҳозир дунёнинг диққат-эътибори кўпроқ “Ливерпуль” – “Манчестер Сити” ёки Англия чемпионатининг бошқа ўйинларига қаратилган. "Эл-Класико"нинг даражаси пасайиб бормоқда, бу ачинарли. Лекин бунда "Реал"ни айбламаслик керак, чунки улар дунёнинг энг зўр жамоаларидан бири. Муаммо ўз салоҳиятини бой берган "Барселона"да", - дея Ўзил сўзларини келтиради Marca.
21 апрель, якшанба куни “Реал” Испания Примерасининг 32-тури доирасида “Барселона” билан ўйнайди. Ўйин Тошкент вақти билан 00:00да бошланади.
