"Манчестер Юнайтед" бош мураббийи Эрик тен Хаг жамоанинг жароҳатлар билан боғлиқ муаммолари ҳақидаги яна бир саволга жавоб берди. "Ковентри"га қарши Англия кубоги ярим финал учрашуви арафасида маълум бўлишича, "қизил иблислар"нинг жароҳат олган футболчилари қаторига Мейсон Маунт, Софян Амрабат ва Вилли Камбвала қўшилган.
“Футболда жароҳатлар тез-тез учраб туради, лекин бизда булар жуда кўп. Бу менинг позициям – бошқалар вазиятни бошқача баҳолаши мумкин, лекин мен бунга аҳамият бермайман. Мен вазиятни иложи борича реал ва оқилона баҳолашим керак.
Танқидга аҳамият бермайман. Мени ташвишга солаётган нарса шуки, мен ҳар 18 ойда бир марта тўлиқ таркибни танлашим мумкин”, деди Тен Хаг якшанба кунги "Ковентри" билан учрашув олдидан.
