Профессионал боксчимиз Бектемир Мелиқўзиев (14-1, 10 КО) АҚШнинг Нью-Йорк шаҳрида бўлиб ўтган катта бокс оқшомида рингга кўтарилди. Франциялик Пьер Юбер Дибомбе (22-1-1, 12 КО)га қарши кечган жанг еттинчи раундда тўхтатилди. Ҳар икки боксчининг қоши тўқнашув натижасида ёрилиб кетгани боис, ғолиб номи ортда қолган етти раунд натижаларига кўра аниқланди. Ушбу жангда Мелиқўзиев ҳакамларнинг якдил қарори билан - 79:73, 79:73, 74:74 ҳисобларида ғалаба қозонди.
Шу тариқа, Бектемир Мелиқўзиев иккинчи ўрта вазн тоифасида ўзига тегишли WBA Inter-Continental камарини муваффақиятли ҳимоя қилди. У энди янгиланган WBA рейтингида кўтарилиб олади. Пьер Юбер эса бугун фаолиятидаги илк мағлубиятини қабул қилиб олди.
