Леверкузеннинг "Байер" клуби жорий мавсум охирида ҳимоячи Эдмонд Тапсоба билан хайрлашиши мумкин. Бу ҳақда инсайдер Фабрицио Романо ижтимоий тармоқлари орқали хабар берди.
Журналистнинг сўзларига кўра, бугун бўлиб ўтадиган "доришунослар" ва Дортмунднинг "Боруссия" ўртасидаги ўйинда Европанинг бир қанча клубларидан скаутлар иштирок этишади. Улар Тапсобанинг ўйинини кўриб чиқмоқчи.
Ўтган ёзда Тапсоба хизматларига "Манчестер Юнайтед" ва Лондоннинг "Тоттенхэм" клублари қизиқиш билдирганди. Германия чемпионатининг жорий мавсумида 25 ёшли футболчи 23 та ўйинда майдонга тушиб, битта голли узатмани амалга оширди ва тўртта сариқ карточка олди.
