"Милан" бош мураббийи Стефано Пиоли клубдаги келажагини журналистлар билан муҳокама қилишдан бош тортди, дея хабар бермоқда журналист Фабрицио Романо.
"Мавсум охирида раҳбарият билан бу ҳақда гаплашамиз. Ҳозирча мен ҳеч қандай изоҳ бермайман", - дея мутахассиснинг сўзларидан иқтибос келтирмоқда инсайдер.
Эслатиб ўтамиз, Пиоли қўл остида "Милан" 2021/2022 йилги мавсумда Скудеттони қўлга киритганди. Бунга асосан "россонерилар" сафига қайтган Златан Ибраҳимович ёрдам берди. Қолаверса, мураббий 2022/2023 йилги мавсумда жамоани Чемпионлар лигасининг ярим финалига олиб чиққан, ўшанда Милан дербисида "Интер"га имкониятни бой берганди.
Айни вақтда "Милан" "Интер"дан 14 очко ортда қолган ҳолда турнир жадвалида иккинчи ўринда бормоқда. Италия чемпионатининг навбатдаги турида рақиблар ўзаро баҳс олиб боришади.
