"Милан" Стефано Пиоли билан хайрлашишга қарор қилса, клубни бошқариши мумкин бўлган мураббийлар номи ҳақида фаол тахминлар бор.
"Милан"нинг собиқ футболчиси Алессандро Костакурта улардан бири ҳақида гапирди - у испаниялик мутахассис Хулен Лопетеги номи ҳақида фикр билдирди.
"Лопетеги номи мени қизиқтирмайди. У “Севилья” билан Европа лигасида ғалаба қозонди, лекин у ерда унга ҳамма нарса тайёр эди, ундан олдин ишлар силлиқ амалга оширилганди.
Мен унда ҳеч қандай ёрқинликни кўрмаганман.
«Милан» раҳбариятининг ўрнида бўлганимда, де Зербига қўнғироқ қилган бўлардим", — дея Костакуртанинг сўзларини келтиради pianetamilan.it.
