Бугун «Марказий» стадионда "Насаф" асосий таркиб аъзолари Нишоннинг «Нуристон» жамоасига қарши назорат учрашувини ўтказди.

Хабарингиз бор, чемпионатимизда юзага келган қисқа танаффус боис мураббийлар штаби ушбу учрашувда деярли барча футболчиларга имконият беришди. Беллашув тўлиқ жамоамиз устунлиги остида ўтди ва якунда йирик ҳисоб қайд этилди – 5:0.

Жамоамиз беллашувни қуйидаги таркибда бошлади: Наумов, Ҳ.Каримов, Жўрабоев, Юсупов, Бердимуродов, Бойматов, Неъматов, Убайдуллаев, Сайфиев, Муҳаммадиев, Алланиёзов.

Захирадан майдонга тушганлар: Суюнов, Абдуллаев, Ҳамробеков, М.Каримов, Қораев, Юнусов, Шомуродов.

Учрашувда Суҳроб Неъматов, Фаррух Сайфиев, Элдор Бойматов, Лазиз Убайдуллаев ҳамда Азамат Алланиязов рақиб дарвозасини ишғол этишди.

Учрашув якунлангач, футболчиларимиз 23 мартга қадар қисқа таътилга чиқишади. Шанба кунидан бошлаб яна тайёргарлик Қаршида давом эттирилади. “Насаф”чилар мамлакат чемпионатининг навбатдаги турида 30 марта куни Наманганда “Навбаҳор” жамоаси меҳмони бўлишади.