"Челси" бош мураббийи Маурисио Почеттино Англия кубоги ярим финалида "Манчестер Сити"дан учралган мағлубиятдан кейин (0:1) жамоасининг кайфияти ҳақида фикр билдирди.
“Кайфият яхши, чунки биз дунёнинг энг яхши жамоаларидан бирига қарши яхши ўйнадик. Ўтказиб юбормаслигимиз керак бўлган голни ўтказиб юбордик, аммо бу футбол. Дунёнинг энг яхши жамоасига қарши кўплаб вазиятлар яратдик, бу яхши. Бир хил руҳда ишлашни давом эттиришимиз ва бизга ёрдам берадиган нарсаларни яхшилашга ҳаракат қилишимиз керак.
Грилиш жарима майдончасида қўли билан ўйнамиди? Мен футболчиларим ва клубим ҳақида гапиряпман. Ғалаба қозона олмаганимиздан хафаман. Баъзи ҳаракатлар ҳакам ёки ВАР томонидан пеналти сифатида талқин қилиниши мумкин. Биз бунга таъсир қила олмаймиз", - деди Почеттино.
