"Арсенал" бош мураббийи Микель Артета жамоа ярим ҳимоячиси Мартин Эдегорнинг таъсири ҳақида гапирди.
"У бизнинг сардоримиз. У асосий ўйинчилардан бири ва унинг бизга ҳар куни таъсирини кўриш - ажойиб. Шунинг учун биз унинг биз билан эканлигидан жуда хурсандмиз", - деди Артета "канонирлар" матбуот хизматига.
Жорий мавсумда 25 ёшли норвегиялик барча мусобақаларда 43 та учрашувда иштирок этиб, 11 та гол урди ва 7 та голли узатмани амалга оширди.
"Арсенал" айни дамда Англия Премьер-лигаси турнир жадвалида 33-турдан кейин 74 очко билан пешқадамлик қилмоқда.
