Симоне Инзаги мураббийлик фаолиятида илк бор скудеттони қўлга киритди.

Бугун италиялик мураббий бошчилигидаги “Интер” дербида “Милан”ни мағлуб этиб (2:1) муддатидан аввал Италия чемпионига айланди.

Скудетто 48 ёшли мутахассиснинг мураббийлик фаолиятидаги 9-кубоги бўлди.

Индзаги “Лацио” бош мураббийи сифатида 2018/19 йилги мавсумда Италия кубогини қўлга киритган ва икки марта (2017 ва 2019 йилларда) Италия Суперкубогини қўлга киритган.

Унинг қўл остида “Интер” икки марта – 2021/22 ва 2022/23 йилги мавсумларда Италия кубогини, уч марта (2021, 2022 ва 2023 йилларда) Суперкубогини қўлга киритган.

Симоне “Интер”ни 2021 йилнинг июнида қабул қилиб олган эди. Бугунги ўйин унинг миланликлар сафидаги 153-ўйини бўлди.

Эслатиб ўтамиз, Симоне Инзаги футболчи сифатида 1999/2000 йилги мавсумда “Лацио” билан скудеттони қўлга киритган.