Simone Inzagi murabbiylik faoliyatida ilk bor skudettoni qo‘lga kiritdi.
Bugun italiyalik murabbiy boshchiligidagi “Inter” derbida “Milan”ni mag‘lub etib (2:1) muddatidan avval Italiya chempioniga aylandi.
Skudetto 48 yoshli mutaxassisning murabbiylik faoliyatidagi 9-kubogi bo‘ldi.
Indzagi “Lasio” bosh murabbiyi sifatida 2018/19 yilgi mavsumda Italiya kubogini qo‘lga kiritgan va ikki marta (2017 va 2019 yillarda) Italiya Superkubogini qo‘lga kiritgan.
Uning qo‘l ostida “Inter” ikki marta – 2021/22 va 2022/23 yilgi mavsumlarda Italiya kubogini, uch marta (2021, 2022 va 2023 yillarda) Superkubogini qo‘lga kiritgan.
Simone “Inter”ni 2021 yilning iyunida qabul qilib olgan edi. Bugungi o‘yin uning milanliklar safidagi 153-o‘yini bo‘ldi.
Eslatib o‘tamiz, Simone Inzagi futbolchi sifatida 1999/2000 yilgi mavsumda “Lasio” bilan skudettoni qo‘lga kiritgan.
