"Барселона" Хави Эрнандеснинг ўрнига номзодларни кўриб чиқишда давом этмоқда.
Яқинда ОАВда эълон қилинганидек, "Блауграна"нинг ҳозирги бош мураббийи кетиш ҳақидаги қарорини қайта кўриб чиқиши мумкин. Sport хабарига кўра, "Барселона"нинг узоқ муддатли режаси бор: клуб Хавини 2025 йилгача сақлаб қолишни, кейин эса Пеп Гвардиола (Манчестер Сити), Луис Энрике (ПСЖ) ёки Микель Артетани (Арсенал) таклиф қилмоқчи. Ҳар учала мутахассиснинг шартномалари 2025 йилда тугайди.
Хавининг меҳнат шартномаси ҳам 2025 йилгача мўлжалланган. Бош мураббий январь ойида жорий мавсум охирида ўз лавозимини тарк этишини эълон қилган эди.
