"Бавария" Юрген Клопп ёки Хаби Алонсони таклиф қилишдан умидини узмаяпти. Ҳар икки мутахассис ҳам яқин вақт ичида жамоада ишламайди: Алонсо “Байер”да қолишга қарор қилди ва Клопп “Ливерпул”дан кетганидан кейин таътилга чиқади.

Kicker хабарига кўра, "Бавария" вақтинчалик мураббий тайинлаши мумкин, бу лавозимга Ханс-Дитер Флик ва Люсен Фавр кўриб чиқилади. Мураббийлардан бирига қисқа муддатли шартнома таклиф қилинади, шундан сўнг мюнхенликлар раҳбарияти яна Алонсо ёки Клопп билан келишишга ҳаракат қилади.

"Бавария"нинг амалдаги бош мураббийи Томас Тухель жорий мавсум якунланганидан кейин ўз лавозимини тарк этади.