"Манчестер Юнайтед"нинг собиқ дарвозабони Давид де Хеа Испания Ла Лигасига қайтиши мумкин. Хабарга кўра, "Бетис" дарвозабонни таклиф қилмоқчи.
Де Хеа ўтган ёзда "Манчестер Юнайтед"ни эркин агент сифатида тарк этганди. Испаниялик дарвозабон ҳалигача янги клуб топа олмади ва ишсиз қолмоқда. Давид 2011 йилдан 2023 йилгача "Манчестер Юнайтед"да ўйнаган.
Бу даврда дарвозабон жамоа билан Англия Премьер-лигаси, бир нечта ички совринлар ва Жозе Моуриньо бошчилигида Европа Лигасида зафар қучди.