"Реал"нинг собиқ ярим ҳимоячиси Уэсли Снейдер "Манчестер Юнайтед" ҳужумчиси Антони Англия кубоги ярим финалида "Ковентри"га қарши ўйиндаги ғалати ҳаракатлари учун танқид қилди.
Бразилиялик футболчи пенальтилар сериясида жамоаси ғалаба қозонганидан сўнг, иккинчи дивизиондаги клуб футболчиларини масхара қилган.
“Антони қилган ишидан жуда уялиши керак. У индамай трибуналар остидаги хонага кириши керак эди. Умид қиламанки, "Манчестер Юнайтед" финалда 0:5 ҳисобида мағлуб бўлади", - дейди Снейдер.
“Манчестер Юнайтед” кетма-кет иккинчи йил Англия кубоги финалида “Манчестер Сити” билан тўқнаш келади. Ўтган мавсумда "шаҳарликлар" Эрик тен Хаг шогирдларини 2:1 ҳисобида мағлуб этишди.
