Деярли икки ярим ой давомида "Рома" Италия А сериясида мағлуб бўлмади. Лекин барча сериялар ўз ниҳоясига етди.
Душанба оқшомида римликлар ўз майдонида "Болонья"га мағлуб бўлишди (1:3) ва тўртинчи ўриндан 7 очко ортда қолмоқда.
“Рома”нинг Италия чемпионатидаги сўнгги мағлубияти 10 февраль куни бўлганди. Ўша куни пойтахт клуби бўлажак мамлакат чемпиони “Интер”га имкониятни бой бериб қўйганди (2:4).
Ўшандан бери барча турнирларда ўтказилган 13 учрашувда "Рома" фақат бир марта - Европа лигаси 1/8 финал жавоб учрашувида "Брайтон"га сафарда (0:1) мағлуб бўлган.
