"Манчестер Юнайтед" бош мураббийи Эрик тен Хаг матбуот анжуманида Англия кубоги ярим финалида "Ковентри Сити"ни мағлуб этганидан сўнг юзага келган салбий фикрлар ҳақида гапирди.
"Қизил иблислар" фақат пенальтилар сериясида ғалаба қозонишди.
"Мен уялдимми? Йўқ. Мутлақо йўқ. Футболда энг муҳими натижа. Биз финалга чиқдик ва бунга нафақат бу ўйин, балки бошқа ўйинлар билан ҳам муносиб бўлдик.
Биз 20 дақиқа давомида бошқарувни йўқотдик... 3:2, 3:3. Якунда омадимиз келди, бу аниқ. Пенальтилар серияси яхши ўтди ва биз финалга чиқдик - бу катта ютуқ.
Кетма-кет иккинчи йил финалга чиқиш жуда ажойиб. Салбий изоҳлар шармандаликдир", деди Тен Хаг матбуот анжуманида.
