"Интер" ярим ҳимоячиси Дензел Дюмфрис клуб билан янги шартнома имзолаш ҳақида гапирди.
28 ёшли нидерландияликнинг “нерадзуррилар” билан амалдаги шартномаси 2025 йилнинг ёзида якунига етади.
“Биз бунинг устида ишламадик, чунки биз ҳали ҳам Скудетто учун курашаётган эдик. Олдинда Европа чемпионати ҳам бор. Ишлар қандай бўлишини ҳеч қачон билмайсиз, лекин суҳбатлар яхши кетмоқда. Бироқ, клуб қийин кунларни бошидан кечирмоқда. Тез орада музокараларни давом эттирамиз, деб умид қиламан", - дейди Дюмфрис.
Дюмфрис 2021 йил августида ПСВдан “Интер”га ўтган эди. 2023/2024 йилги мавсумда у 33 та ўйин ўтказиб, 3 та гол урди ва 6 та голли узатмани амалга оширди.
