"Inter" yarim himoyachisi Denzel Dyumfris klub bilan yangi shartnoma imzolash haqida gapirdi.
28 yoshli niderlandiyalikning “neradzurrilar” bilan amaldagi shartnomasi 2025 yilning yozida yakuniga yetadi.
“Biz buning ustida ishlamadik, chunki biz hali ham Skudetto uchun kurashayotgan edik. Oldinda Yevropa chempionati ham bor. Ishlar qanday bo‘lishini hech qachon bilmaysiz, lekin suhbatlar yaxshi ketmoqda. Biroq, klub qiyin kunlarni boshidan kechirmoqda. Tez orada muzokaralarni davom ettiramiz, deb umid qilaman", - deydi Dyumfris.
Dyumfris 2021 yil avgustida PSVdan “Inter”ga o‘tgan edi. 2023/2024 yilgi mavsumda u 33 ta o‘yin o‘tkazib, 3 ta gol urdi va 6 ta golli uzatmani amalga oshirdi.
