Лондоннинг “Арсенал” клуби бош мураббийи Микель Артета германиялик ярим ҳимоячи Кай Хаверцнинг “Челси”га қарши Англия Премьер-лигасининг 29-туридан ўрин олган уй учрашувидаги (5:0) ўйини ҳақида гапирди.
“Ўйиннинг ҳар бир босқичида унинг умумий ҳиссаси катта эди. Агар бунга унинг урган иккита голини ва энг муҳим дақиқалардаги боғловчи ўйинини қўшсангиз, бу ажойиб ўйин бўлди”, — дея Артета сўзларини келтиради BBC.
Жорий мавсумда у "Арсенал" сафида барча турнирларда 47 та ўйинда майдонга тушиб, 12 та гол урди ва 5 та голга ассистентлик қилди.
