"Манчестер Юнайтед"нинг собиқ футболчиси Рио Фердинанд "Челси" бош мураббийи Маурисио Почеттинонинг истеъфоси ҳақидаги миш-мишларга жавоб берди.
“Почеттино ишдан бўшатиляптими? Клуб ёш иқтидорларга бир тонна пул сарфлаганидан кейин бу жиноят бўларди. Улар ақлбовар қилмайдиган салоҳиятга эга. Бир мавсумда ҳаммасини тузатиш мумкин эмас. Менимча, раҳбарият Маурициога жамоа тузиш учун вақт бериши керак", - дейди Фердинанд.
Англия чемпионатининг сўнгги ўйинида “Челси” “Арсенал”га 0:5 ҳисобида имкониятни бой берди. Ушбу учрашувдан кейин Почеттино шогирдлари 47 очко билан турнир жадвалида 9-ўринда бормоқда.
