"Ливерпуль" 2021 йилдан бери илк бор "Эвертон"га мағлуб бўлди.
Кеча Премьер-лига 29-туридан ўрин олган қолдирилган баҳсда жамоалар ўзаро тўқнаш келишди. "Эвертон" Юрген Клопп жамоасини 2:0 ҳисобида мағлуб этди, голларга ҳимоячи Жерред Брэнтуэйт ва ҳужумчи Доминик Кальверт-Льюин муаллифлик қилди.
Жорий мавсумдаги илк ўйинда “Ливерпуль” мерсисайд дербисида 2:0 ҳисобида ғалаба қозонганди. Бунгача "қизиллар" 3 та ғалабага эришган ва жамоалар бир марта дуранг ўйнашган.
"Эвертон" "Ливерпуль"ни сўнгги бор (2:0) 2021 йилда мағлуб этган, ўшанда "ирислар"ни Карло Анчелотти бошқарган эди. “Эвертон”ни 2023 йилнинг январидан буён Шон Дайч бошқариб келмоқда.
