"Ливерпуль"нинг собиқ ҳимоячиси, ҳозирда футбол эксперти Жейми Каррагер "Эвертон"га қарши (0:2) АПЛнинг 29-тур учрашувидан кейин "қизиллар" ҳужумчиси Дарвин Нуньес ҳақида гапирди.
“Клубдаги икки йилдан сўнг Дарвиннинг яхши ўйнашини кўришни истардим. У кўп ишларни яхши бажаради, рақибларига муаммо туғдиради ва кутилмаганда гол уради. Аммо энди “Ливерпуль”га меҳмонда “Манчестер Юнайтед” ва “Эвертон”га гол ура оладиган одам керак. Хатога вақт йўқ, бу октябрь ёки ноябрь эмас. Ўйлайманки, "Ливерпуль" ёзда Нуньес борасида муҳим қарор қабул қилиши керак", - дея Каррагернинг сўзларини келтиради Британиянинг Liverpool Echo интернет нашри.
Айни пайтда “Ливерпуль” ҳисобида 74 очко бор.
