"Ньюкасл" ярим ҳимоячиси Жо Уиллок мавсумнинг қолган қисмини ўтказиб юборади. Бу ҳақда Daily Mail нашри "қарғалар" бош мураббийи Эдди Хауга таяниб хабар бермоқда.
Футболчининг Ахиллес жароҳати бор. Унга жарроҳлик амалиёти керак бўлмайди, аммо бу мавсумда у майдонда ўйнай олмайди. Клуб футболчининг мавсумолди машғулотлари бошланишига қадар тўлиқ тикланишини кутмоқда.
Уиллок "Ньюкасл" таркибида жароҳат олган 10-футболчига айланди. Жорий мавсумда 24 ёшли ярим ҳимоячи барча турнирларда 14 та ўйин ўтказиб, 2 та гол урган.
