"Nyukasl" yarim himoyachisi Jo Uillok mavsumning qolgan qismini o‘tkazib yuboradi. Bu haqda Daily Mail nashri "qarg‘alar" bosh murabbiyi Eddi Xauga tayanib xabar bermoqda.

Futbolchining Axilles jarohati bor. Unga jarrohlik amaliyoti kerak bo‘lmaydi, ammo bu mavsumda u maydonda o‘ynay olmaydi. Klub futbolchining mavsumoldi mashg‘ulotlari boshlanishiga qadar to‘liq tiklanishini kutmoqda.

Uillok "Nyukasl" tarkibida jarohat olgan 10-futbolchiga aylandi. Joriy mavsumda 24 yoshli yarim himoyachi barcha turnirlarda 14 ta o‘yin o‘tkazib, 2 ta gol urgan.