Винисиус Жуниор Чемпионлар лигасида ғалаба қозониш истаги борлигини маълум қилди.

Мадриднинг "Реал" клуби турнирнинг чорак финалида "Манчестер Сити"ни мағлуб этди (3:3, 1:1, пен. 4:3). Ярим финалда Мадрид клуби "Бавария" билан учрашади.

"Мухлисларнинг менга кўрсатаётган меҳридан жуда мамнунман ва ҳозир биз мавсумнинг энг яхши дамларини бошдан кечирмоқдамиз, олдинда муҳим ўйинлар бор. Шундай экан, боримни бериб, мухлисларни хурсанд қиламан.

Ҳозир биз учун жуда яхши ва муҳим ҳафтани ўтказдик ("Манчестер Сити" ва "Барселона" устидан қозонилган ғалабалар - муаллиф), аммо энди биз "Реал"ни юқори чўққиларга олиб чиқишимиз, яъни Чемпионлар лигасида ғалаба қозонишда давом этишимиз керак", - деди "Реал Мадрид" футболчиси.