"ПСЖ" вингери Брэдли Баркола "Барселона"га қарши Чемпионлар лигаси жавоб ўйинида биринчи голни ўтказиб юборганидан кейин ўз ҳис-туйғулари ҳақида гапирди.
"Гол ўтказиб юборганимизда, менда жамоадошларимнинг юзига қараш рефлекси пайдо бўлади. Уларда ҳеч қандай шубҳа кўрмадим, заррача қўрқувни ҳам ҳис қилмадим. Ва кейин мен ўзимга дедим: "Қани, кетдик" - , деди Баркола RMC Sport билан суҳбатда.
Жорий мавсумда 21 ёшли футболчи барча турнирлар доирасида 36 та учрашувда иштирок этиб, 3 та гол урди ва 8 та голли узатмани амалга оширди.
"ПСЖ" Чемпионлар лигаси ярим финалида "Боруссия Дортмунд"га қарши баҳс олиб боради. Жамоалар ўртасидаги биринчи ўйин 1 май куни, жавоб ўйини 7 май куни бўлиб ўтади.
