"Барселона" бош мураббийи Хави Эрнандес ёзги трансфер ойнасида ўз таркибини кучайтиришга умид қилиши мумкин.
Мутахассис, аввалроқ эълон қилинганидек мавсум якунида кетмайди ва кейинги мавсумда ҳам клубда қолади. Журналист Иван Сан Антонио хабарига кўра, "Барселона" президенти Жоан Лапорта Хавига ёзги трансфер учун кафолатлар берган - клуб мавсум оралиғида ўз таркибини сезиларли даражада кучайтирмоқчи.
Қайд этилишича, “кўк-анорранглилар”нинг устувор йўналиши – таянч ярим ҳимоячиси ва чап қанот ҳимоячиси позицияларига янги ўйинчиларни сотиб олиш. Каталония гранди раҳбарияти ҳимоя қанотларини кучайтириш вариантларини ҳам кўриб чиқади.
