"Манчестер Юнайтед" "Барселона" бош мураббийи Хавини Эрик тен Хаг ўрнига номзод сифатида кўраётган эди.

"Relevo" хабарига кўра, инглиз клуби раҳбарияти испаниялик мураббий вакили билан боғланишга муваффақ бўлган. Аммо Хави "Барселона"да қолиш қарорини эълон қилгач, музокаралар тўхтатилди.

Мутахассис 2021 йилнинг ноябрь ойида "Барселона"ни қабул қилиб олган ва ўзининг иккинчи мавсумидаёқ жамоани футбол бўйича Испания чемпионатида ғалабага етаклаган, шунингдек, мамлакат Суперкубогини қўлга киритишга ёрдам берган. Жорий йил бошида мураббий мавсум якунида клубни тарк этиш ниятида эканлигини маълум қилган, бироқ кейинроқ жамоада қолишга қарор қилган.