Англия Премьер-лигасининг 29-тури доирасидаги қолдирилган ўйинда “Манчестер Сити” меҳмонда “Брайтон” дарвозасига жавобсиз тўртта гол урди. Кайл Уокер ўйинда иккита голли узатмани амалга оширди - ва маълум бўлишича, "Манчестер Сити" ҳимоячиси фаолиятида биринчи марта битта ўйинда иккита голли узатмани амалга оширди.
Ғалабага эришган “Манчестер Сити” АПЛ турнир жадвалида иккинчи ўринга кўтарилиб олди ва Лондоннинг “Арсенал” клубидан атиги бир очко ортда қолмоқда. Лекин айни пайтда Хосеп Гвардиола шогирдлари захирасида битта ўйин бор. Эслатиб ўтамиз, Манчестер клуби Англиянинг амалдаги чемпиони ҳисобланади.
