Хвича Кварацхелиянинг янги шартномаси билан боғлиқ вазият ноаниқлигича қолмоқда.
"Наполи" 23 ёшли футболчи билан шартномани узайтирмоқчи - клуб яқин орада вингернинг агенти билан учрашув ўтказади. GFFN нашрининг хабар беришича, неаполликлар учун Кварацхелиянинг талабларини қондириш осон бўлмайди. Айни пайтда, манбага кўра, "Барселона" вазиятни кузатиб бормоқда. Сўнгги пайтларда грузияликнинг трансфери эҳтимоли ошган.
Transfermarkt портали экспертлари Хвича Кварацхелиянинг нархини 80 миллион еврога баҳоламоқда. Жорий мавсумда футболчи “Наполи” сафида 41 та ўйинда майдонга тушиб, 10 та гол ва 8 та голли узатмага муаллифлик қилган.
