"Ювентус" Федерико Кьеза билан ҳамкорлик қилиш борасида қарор қабул қилиши керак.
Ярим ҳимоячининг клуб билан амалдаги шартномаси 2025 йилгача мўлжалланган.
"Ювентус" футболчини "Фиорентина"дан жами 60 миллион еврога сотиб олган ва сармоя киритган маблағларини йўқотмоқчи эмас.
Футболчининг ўзи "Ювентус" спорт лойиҳасининг истиқболлари ҳақида кўпроқ маълумот олишни истайди.
Маълум қилинишича, футболчи клуб билан яхши муносабатда, бироқ бош мураббий Массимилиано Аллегри билан муносабатлари ҳақида бундай деб бўлмайди, чунки бу мавсумда Кьеза майдонда ўз фазилатларини энг яхши тарзда очиб бера олмаяпти.
Қолаверса, Кьеза маоши ошишини хоҳлайди, аммо футболчи учун иқтисодий масала асосий вазифа эмас.
