"Реал Мадрид" бош мураббийи Карло Анчелотти ярим ҳимоячи Арда Гюлернинг ўйин вақти билан боғлиқ вазият ҳақида гапирди. Эслатиб ўтамиз, туркиялик ярим ҳимоячи турли жароҳатлар туфайли мавсумнинг биринчи ярмини ўтказиб юборганди.
“Арда ўзини яхши ҳис қилмоқда ва ўйнашга тайёр. Менимча, Гюлер кўпроқ имконият ва амалиётга лойиқ. У тез орада майдонга қайтиши мумкин. Тез орада унга ўйнаш учун вақт бераман", - деди Анчелотти матбуот анжуманида.
19 ёшли Гюлер Испания чемпионатининг ушбу мавсумида бешта учрашувда майдонга тушиб, битта гол урди. Ўтган ёзда "Реал" ярим ҳимоячининг трансфери учун 20 миллион евро тўлаганди.
