Италиянинг «Интер» клуби Лондоннинг «Челси» жамоаси собиқ бош мураббийи Роберто Ди Маттеога хизматларига қизиқиш билдирмоқда. Бу ҳақда «Football Italia» нашри хабар тарқатди.
Миланликлар раҳбарияти 42 ёшли мутахассисни мавсум сўнггида истеъфога чиқиши мумкин бўлган Андреа Страмаччони ўрнига таклиф қилишмоқчи
Ди Маттео билан Германиянинг «Шальке 04» клуби музокараларни бошлаб юборган. Аммо мураббийнинг ўзи агар вариант чиқса, Англия ёки Италияда фаолиятини давом эттиришни режалаштирган.
Эслатиб ўтамиз, Ди Маттеонинг охирги фаолияти «Челси» клубида ўтган бўлиб, мураббий 2012 йилнинг 21 ноябрь куни истеъфога чиқарилганди.













