"Манчестер Сити" бош мураббийи Пеп Гвардиола ҳакамлик ҳақида гапирди. Испаниялик мураббийнинг сўзларига кўра, у ҳеч қачон бу мавзу ҳақида қайғурмайди.

"Мен ўйинга келганимда, ҳакам кимлигини ҳеч қачон билмайман. Уларнинг юзларини кўрганимда, "бу юзни эслайман", деб ўйлайман. Мен ҳаётимда ҳеч қачон ҳакамлар ҳақида гапирмаганман - на ўйиндан олдин, на ўйин давомида, на ўйиндан кейин. Ҳеч қачон. Хатолар содир бўлади. Улар туфайли қийналганимизда биз хафа бўламиз, лекин баъзида улар бизнинг фойдамизга содир бўлганда омадимиз келади. Лекин мен вақтимни беҳуда сарфламайман. Мен вақтимни яхши бошқаришим керак. Мен ҳакамлик ҳақида бир сония ҳам ўйламайман, айниқса мағлуб бўлганимизда" - деди Гвардиола журналистларга.